Creative Media Week 2021:  Kreatividat den bo!

 

Ya pa di 8 aña,  Media School Curaçao ta organisá e seminario di media pa hóben.  

Creative Media Week ta un siman intensivo ku ta konsistí di workshòpnan kaminda profeshonalnan lo kompartí nan konosementu i eksperensia riba diferente area di media. E aña aki atrobe tabatin  workshòpnan manera entre otro: filmashon, robotics, fotografia, drama, músika i hopi mas.

Konsiente di e gran impakto ku medio di komunikashon tin riba nos komunidat, Nos a tuma e desishon firme pa influenshá media di un forma positivo i tambe inspirá e komunidat di Kòrsou pa desaroyá nan mes riba e tereno di media i asina alkansá profeshonalismo.

Creative Media Week 2021 a tuma lugá for di 12 pa 18 di yüli i a kulminá dia 18 di yüli ku un Movie Award Night kaminda partisipantenan a estrena nan “short film” ku nan a traha komo prueba final i a risibí diferente premiashon i un sertifikado di partisipashon. Nos por mira bèk riba un siman eksitoso.

Creative Media Week 2021 a konta ku kontribushon i kolaborashon di AVProf Shop, Moving Innovations, St. Jozef VSBO, Maduro & Curiel’s Bank i String Lights Curaçao. Nos ta sumamente gradesidu na e organishonnan aki.

Leave a Reply

Your email address will not be published. Required fields are marked *

Post comment